THEBAIS

I.

THEBAIS

insigne Statii opus, totis 12. annis summâ curâ ab eo elaboratum. Nomen autem habet ab argumento, eod quod bellum contineat inter Eteoclem et Polynicem ad Thebas gestum, in quo duo fratres mutuis vulneribus perierunt. Iuvenal. Satyr. 7. v. 82.

Curritur ad vocem iucun dam, et carmen amicae

Thebaidos, laetam fecit cum Statius urbem;

Promisitque diem, tantâ dulcedine captos

Afficit ille animos, tantâque libidine vulgi

Auditur. ---- ----

Item, fluv. Lydiae, Tralleis alluens. Item Thebais, nomen patro. nymicum femin. Ovid. l. 6 Metam. v. 163.

———— ———— Et omnes

Thebaides iussis sua tempora frondibus ornant.

Nic. Lloydius. De ea affatim, apud Casparum Barthium Animadvers. in Statium. Sed et ιθηβαῒς, Thebais, pars fuit Epici Cycli, post Iliadem et Odysseam, omnium optima, cuius auctor incertus habitus est iam veteribus Criticis. Athenaeus, l. 11. Ο῾ δ᾿ Οἰδίπους ἐκπώματα τοῖς υἱοῖς κατηράτατο, ὡς ὀ τὴν Κυκλικην` Θηβαΐδα πεποιηκώς φησιν. Ab hac diversa fuit Thebais itidem Antimachi, quem Athenaeus ἐν Θηβαΐδι tribus aut quatuor ocis laudat, ibid. Apollonius quoque, qui ex l. eius primo, istud hemistichium,

Α᾿ςπασίως δὲ σφω ἂγεν οἴκαδε. --- ---

Et ex l. 3.

--καὶ σφὼ γείνατο μήτηρ.

citat. Vide de utraque Salmas. ubi supra p. 948. et seqq. De Thebaide vero, Aegypti regione, hîc infra.

II.

THEBAIS

quae in Sacris Pathros, Australior Aegypti pars, et ab Aegypto proprie dictâ distincta, indigitatur, Ierem. c. 44. v. 1. ubi separatim nominat habitantes in terra Mitsraiim, i. e. in Aegypto proprie dictâ, et in terra Pathros, h. e. in illi contermina Thebaide, uti docet Bochart. Geogr. S. l. 4. c. 27. adeo ut illa Aegypti partitio, quâ Thebais ab Aegypte proprie dicta disiungitur, quae in infima Romanorum tempora duravit, etiam ab ultima antiquitate obtinuerit. Aethiopiae nomine non raro venit, metropolimque Thebas habuit, totius aliquando Aegypti, imo et sub Sesostre eiusque successoribus, totius Asiae insuper, dominam. Vide infra Thebe. Nomi eius Lycopolites, Aphroditopolites, Thinites, Diospolites, Tentyrites, et Hermonthites, iuxta Ptolem. quibus quosdam alios, Plin. addit l. 5. c. 9. ut videbimus et hi erant ab Occident. fluminis latere. Arabici eius Nomi sunt, Cynopolites, qui tandem Antinottes, Panopolites, Coptites, et ὁ Θήβων νόμος, Thebarum Nomus, cuius caput Diospolis Magna, non solum aegypti sed et Thebani Imperii sedes primaria, Thebae videl. modo indigitatae: de quibus omnibus vide Ioh. Marshamum, Canone Chron. Sec. XV. tit. Thebais, et alibi passim.